काठमाडौं । शेयर बजारमा मंगलबार सामान्य करेक्सन आएको छ। तीव्र उतारचढावबीच आज नेप्से परिसूचक ८.१८ अंकले घटेर २९२३.४६ को विन्दुमा झरेको हो।
बजारमा करेक्सन आउँदा ८० कम्पनीको शेयरभाउ बढेको छ भने १५७ कम्पनीको घटेको छ। आज ६ कम्पनीको शेयरभाउ स्थिर रहेको छ।
दैनिक कारोबारले हिजो रेकर्ड बनाएकोमा आज घटेको छ। आज २१ अर्ब ५१ करोड ५० लाख रुपैयाँ बढीको कारोबार भएको छ। आज नेपाल फाइनान्सको सर्वाधिक कारोबार भएको छ।
आज उच्च कारोबार भएका १० कम्पनी
- नेपाल फाइनान्सः ८१ करोड ९९ लाख रुपैयाँ
- हिमालयन रिइन्स्योरेन्सः ६८ करोड २१ लाख रुपैयाँ
- शिवम सिमेन्टः ४४ करोड ४२ लाख रुपैयाँ
- अपी पावरः ४२ करोड ६९ लाख रुपैयाँ
- अरुण भ्याली हाइड्रोपावरः ४२ करोड रुपैयाँ
- सानिमा माई हाइड्रोपावरः ३९ करोड २९ लाख रुपैयाँ
- अपर तामाकोशीः ३६ करोड ३८ लाख रुपैयाँ
- निफ्राः ३४ करोड १२ लाख रुपैयाँ
- हिमालयन लाइफः ३३ करोड ६८ लाख रुपैयाँ
- हिमाल दोलखा हाइड्रोपावरः ३३ करोड ६२ लाख रुपैयाँ
