काठमाडौं । नेपाल विद्युत प्राधिकरणले देशभरि रहेको आफ्नो सम्पत्तिको खोजबिन सुरु गरेको छ।
प्राधिकरणका कार्यकारी निर्देशक कुलमान घिसिङ आफ्नो ३ वर्ष कार्यकालमा भएको प्रगति विवरण सार्वजनिक गर्दै यसबारे जानकारी गराएका हुन्। उनका अनुसार अतिक्रम गरिएका जग्गा फिर्ता ल्याउन आवश्यक पहल भइरहेको छ।
हालसम्म प्राधिकरणको नाममा लालपुर्जा आउन नसकेको जग्गाहरु दर्ता÷लगतकट्टा गरी आफ्नो स्वामित्वमा ल्याउन सुरु गरिएको घिसिङले बताए। ‘देशभरि रहेको जग्गाहरुको यकिन गरी करिब ४० हजार २०० रोपनी जग्गाको पहिचान भएको छ’, उनले भने, ‘गत वर्षमात्र काठमाडौं उपत्यकाभित्रको करिब ७२ रोपनी १२ आना जग्गाको पुर्जा प्राप्त भएको छ।’
