काठमाडौं । सेवा हाईड्रो लिमिटेड कम्पनीले सर्वसाधारणमा आइपीओ निष्काशन गर्ने भएको छ । आइपीओ जारी गर्ने प्रस्ताव पारितका लागि कम्पनीले असोज २० गते सातौं वार्षिक साधारण सभा आयोजना गर्ने जनाएको छ । भदौ २८ गते बसेको सञ्चालक समितिको बैठकले कम्पनी रजिष्टर्ड कार्यालय थापागाउँ, बानेश्वर ,काठमाडौंमा विहान ११ बजे सभा गर्ने निर्णय गरेको हो ।
सभाले आइपीओ निष्काशपछि प्राप्त हुने कुल रकम आयोजना निर्माण गर्दा कायम बैंक वा अन्य दायित्व पुरा गर्नका लागि खर्चिन स्वीकृति प्रदान गर्नेछ । अधिकृत पूँजी र जारी पूँजी बृद्धि गर्ने र संस्थापक र सर्वसाधारणको शेयर संरचना परिवर्तन गनेृ प्रस्ताव पारित गर्नेछ ।
सभाले कम्पनी सञ्चालकको राजिनामा स्वीकृति तथा नयाँ सञ्चालकको गठन गर्ने प्रस्ताव पारित गर्नेछ । साथै गत आर्थिक वर्षको वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारण लगायतका प्रस्ताव पारित गर्नेछ ।
