काठमाडौं । कालिका पावर कम्पनी लिमिटेडले असोज १३ गते विशेष साधारण सभा बोलाएको छ । कम्पनीले शनिबार आफ्नो रजिष्टर्ड कार्यालय, चितवन जिल्ला भरतपुर महानगरपालिका वडा नं १०, भरतपुरमा सो सभा बोलाएको हो । सभा अपरान्ह ११ बजे शुरु हुने कम्पनीले जनाएको छ ।
भदौ २८ गते बसेको कम्पनीको सञ्चालक समितिको बैठकले सो दिन विशेष साधारण सभा बोलाउने निर्णय गरेको हो । सभाले कम्पनीको नियमावलीको नियम २७ (२) संशोधन गर्ने, अख्तियारी प्रदान गर्ने लगायतका प्रस्तावहरु पारित गर्नेछ ।
