काठमाडौं । साङ्गे विद्युत कम्पनी लिमिटेडले आइपीओ निष्काशन गर्ने प्रस्ताव सहित असोज ९ गते साधारण सभा डाकेको छ । कम्पनीको सभा केन्द्रीय कार्यालय, त्रिपुरेश्वर, काठमाडौंमा बिहान ११ बजेदेखि अनलाइन मार्फत बस्ने जनाएको छ ।
कम्पनीको सभाले आर्थिक वर्ष २०७७/७८ र २०७८/७९ को नगद लाभांश (कर सहित) प्रस्ताव अनुमोदन गर्नेछ । आर्थिक वर्ष २०७७/७८ र २०७८/७९ को नाफा नोक्सान सम्बन्धी हिसाबका सम्बन्धमा छलफल गरि पारित गर्ने, आर्थिक वर्ष २०७८/७९ र २०७९/८० का लागि लेखापरीक्षक नियुक्ति र निजको पारिश्रमिक निर्धारण गर्ने प्रस्ताव समेत पारित गर्नेछ ।
त्यस्तै, कम्पनीको प्रबन्धपत्र, नियमावलीमा आवश्यक संशोधन गर्ने, नियामक निकायको निर्देशनमाप्रबन्धपत्र, नियमावलीमा आवश्यक थपघट गर्नुपर्ने भए सो सम्बन्धी कार्य गर्नका लागि कम्पनीको संचालक समितिलाई अख्तियारी प्रदान गर्ने लगायतका प्रस्ताव पारित गर्नेछ ।
