काठमाडौं । प्रभु बैंकले संस्थापक शेयरधनीको नाममा रहेको शेयर सर्वसाधारणमा विक्रीमा खुला गरेको छ । बैंकको संस्थापक शेयरधनीहरुको नाममा रहेको कुल १ लाख ९४ हजार २४१ कित्ता संस्थापक शेयर बिक्रीमा ल्याएको हो । उक्त शेयर आजदेखि विक्रीमा ल्याएको बैंकले जनाएको छ ।
यस शेयरमा विद्यमान संस्थापक शेयरधनीहरुसँग अन्य व्यक्ति तथा संस्थाहरुले खरिद आवेदन पेस गर्न सक्नेछन्। यसअघि उक्त शेयर विद्यमान संस्थापक शेयरधनीहरुका लागि ३५ दिनको म्याद राखेर बिक्री खुला गरिएको थियो। तर, संस्थापक शेयरधनीहरुबाट खरिद आवेदन नपरेपछि अन्य व्यक्ति तथा संस्थालाई शेयर बिक्री खुला गरेको हो।
उक्त शेयरमा ईच्छुक व्यक्तिहरुले सुचना प्रकाशति भएको मितिले १५ दिनभित्र खरिद आवेदन दिनुपर्नेछ। ईच्छुक लगानीकर्ताले बैंकको काठमाडौंको बबरमहलस्थित केन्द्रीय कार्यालयमा खरिद आवेदन पेस गर्न सक्नेछन्।
