काठमाडौं । आज साताको पहिलो दिन शेयर बजार बढेको छ । आज शेयर बजार नेप्से परिसूचक १४ दशमलव ८१ अंकले बढेर २,०८० को विन्दुमा कायम भएको छ । आज १ सय कम्पनीको शेयर मुल्य बढेको छ भने ११७ कम्पनीको शेयर मुल्य घटेको छ ।
आज सबैभन्दा धेरै थ्रि स्टार हाइड्रोपावर कम्पनीका लगानीकर्ताले कमाउका छन् । आज यस कम्पनीका लगानीकर्ताले १० प्रतिशतका दरले कमाएका छन् । आजबाट नै यस कम्पनीको शेयर कारोबार भएको हो । अपर सांङगे हाइड्रोका लगानीकर्ताले ९ दशलमव ९८ प्रतिशतका दरले कमाएका हुन् । माउन्टेन इनर्जीका लगानीकर्ताले ९ दशमलव ७४ प्रतिशतका दरले कमाएका छन् ।
आज सबैभन्दा धेरै घोराही सिमेन्टका लगानीकर्ताले गुमाएका छन् । आज यस कम्पनीका लगानीकर्ताले ९ दशमलव ९९ प्रतिशतका दरले गुमाएका हुन् । अभियान लघुवित्तका लगानीकर्ताले ७ प्रतिशतका दरले गुमाएका हुन् ।
