काठमाडौं । आजदेखि कारोबार शुरु भएका दुई हाइड्रोपावरको मुल्यमा सकारात्मक सर्किट लागेको छ । आजदेखि कारोबारमा आएका अपर साङ्गे हाइड्रोपावरको शेयर मुल्य ९ दशमलव ९८ प्रतिशतले बृद्धि भएर २७८ रुपैयाँ रहेको छ । त्यस्तै, थ्रीस्टार हाइड्रोपावरको शेयर मुल्य १० प्रतिशतले बृद्धि भएर २८० रुपैयाँ कायम भएको छ भने आज बाट नै कारोबार शुरु भएको घोराही सिमेन्टको शेयर मुल्य ८ दशमलव ९३ प्रतिशतले घटेको छ ।
स्पेशल प्रि ओपन सेसनमा घोराहीको शेयर प्रतिकित्ता ५६५ रुपैयाँ ५० पैसामा पहिलो कारोबार भएको हो भने थ्रीस्टार हाइड्रोपावरको २५५ रुपैयाँ र अप्पर साङ्गेको २५३ रुपैयाँ ६० पैसामा पहिलो कारोबार भएको हो।
