काठमाडौं। निजी वायूसेवा कम्पनी बुद्ध एयरले थप एउटा जहाज भित्र्याएकाे छ। कम्पनीका अनुसार शुक्रबार एटीआर-७२-५०० सिरिजको एउटा जहाज त्रिभूवन विमानस्थल आइपुगेकाे छ।
क्याप्टेन प्रमोद थापा र गौरव बोहराले ओमानको मस्कटबाट उडान भरेर शुक्रबार नेपाल ल्याएका हुन् । नागरिक उड्ययन प्राधिकरणले जहाजलाई ९ एन-एएनडब्लु संकेत चिन्ह दिएको छ। बुद्ध एयरले हाल एटीआर-४२ सिरिजका ३ वटा र एटीआर-७२ सिरिजका १२ वटा जहाजमार्फत उडान गर्दै आएको छ।
यसैबीच निजी वायू सेवा कम्पनी साैर्य एयरलायन्सले तीनवटा एटिआर विमान भित्र्याउने तयारी गरेकाे छ। जेट इन्जिनवाहक जहाज विस्थापित गर्ने रणनीति अन्तर्गत आगामी ६ महिनामा एयरलायन्सले एटिआर ७२ सिरिजकाे दुईवटा विमान भित्र्याउन लागेकाे हाे । छाेटाे दूरीकाे उडान भर्दा जेट विमानले अधिक इन्धन खपत गर्ने र सञ्चालन लागत पनि उच्च भएपछि कुबेर ग्रुपले खर्च कटाैतीका लागी एटिआर विमान भित्र्याउन लागेकाे हाे ।
समूहले नयाँ विमान थप्नका लागी नागरिक उड्ययन प्राधिकरणबाट पूर्व स्वीकृती लिन बाँकी रहेकाे छ। एटिआर विमानबाट साैर्यले पहिलाे चरणमा विराटनगर, भद्रपुर, भैरहवा, पाेखरा र धनगढीमा उडान भर्नेछ।
