काठमाडौं । सूर्योदय वोमी लघुवित्त वित्तीय संस्था लिमिटेडले शेयरधनीलाई बोनश शेयरमा लाग्ने कर बापतको रकम जम्मा गर्न आग्रह गरेको छ । वैशाख ३० गते सम्पन्न वार्षिक साधारण सभाबाट पारित १५ प्रतिशत बोनश शेयरमा लाग्ने कर बापतको रकम जम्मा गर्न कम्पनीले शेयरधनीलाई आग्रह गरेको हो ।
शेयरधनीले कर बापतको रकम कम्पनीको शेयर रजिष्ट्रार कुमारी क्यापिटल लिमिटेड, नक्साल वा कुमारी बैंकको कुनै पनि शाखा कार्यालयबाट बुझाउन सक्नेछन् । कुमारी बैंकमा रहेको खाता नं १२९००९८४०७२०००२० मा शेयरधनीले कर बापतको रकम जम्मा गरेपछि बोनस शेयर प्राप्त गर्नेछन् ।
त्यस्तै बुक क्लोजको समयमा शेयर रोक्का रहेका शेयरधनीहरूले बोनश शेयर फुकुवा पत्र प्राप्त भएपछि मात्र बोनस शेयर खातामा पठाइने कम्पनीले जनाएको छ ।
त्यसैगरी हालसम्म पनि शेयर अभौतिकीकरण नगरेका शेयरधनीले शेयर अभौतिकीकरण गराएपछि मात्र बोनश शेयर हितग्राही खातामा प्राप्त हुने समेत कम्पनीले जनाएको छ ।
