काठमाडौं । आज शेयर बजारमा बृद्धि भएको छ । हिजो २८ अंकले घटेको बजारमा आज नेप्से परिसूचक ९ दशमलव २५ अंकले घटेर २,०८६ को विन्दुमा कायम भएको छ र आज ११७ कम्पनकिो शेयर मुल्य बढेको छ भने ८१ कम्पनीको शेयर मुल्य घटेको छ ।
आज दिनभरिमा २६९ कम्पनीको ९३ लाख ६१ हजार ७८६ कित्ता शेयर किनबेच हुँदा १ अर्ब ८१ करोड २४ लाख रुपैयाँको शेयर कारोबार भएको छ । आज सबैभनदा धेरै शिवम् सिमेन्टको शेयर कारोबार भएको छ । आज कम्पनीको ११ करोड १९ लाख रुपैयाँको शेयर कारोबार भएको छ ।
त्यस्तै, सानिमा बैंकको ८ करोड ९० लाख रुपैयाँको संस्थापक शेयर किनबेच भएको छ । प्रोग्रेशिभ फाइनान्स कम्पनीको ६ करोड ९१ लाख रुपैयाँको शेयर कारोबार भएको छ ।
त्यसैगरी आज सबैभन्दा धेरै आरबीबी म्युचुअल फण्ड १ का इकाईधनीले कमाएका छन् । आज यसका इकाईधनीले ४ दशमलव १४ प्रतिशतका दरले कमाएका छन् । स्टान्डर्ड चार्टर्ड बैंकका लगानीकर्ताले ४ दशमलव ३ प्रतिशतका दरले कमाएका छन् । सिद्धार्थ इक्विटी फण्डका
इकाईधनीले ३ दशमलव ८९ प्रतिशतका दरले कमाएका छन् ।
आज सबैभन्दा धेरै प्रभु स्मार्ट फण्डका इकाईधनीले गुमाएका छन् । आज यस फण्डका इकाईधनीले १० प्रशिततका दरले गुमाएका हुन् ।
