काठमाडौं । काठमाडौं उपत्यका लगायत बाग्मती प्रदेश भित्रका उपत्यकामा चल्ने सार्वजनिक यातायातको भाडादर घटेको छ । वाग्मती प्रदेश सरकारको प्रदेशको श्रम, रोजगार तथा यातायात मन्त्रालयले आज बिहीबार सार्वजनिक सवारी साधनको नयाँ भाडादर कायम गरेको हो । साउन ११ गतेदेखि लागू हुने गरी नयाँ भाडादर सार्वजनिक भएको हो ।
काठमाडौं उपत्यकाभित्रका सार्वजनिक सवारीसाधनको भाडा एक रुपैयाँले घटेको छ । नयाँ भाडादर अनुसार सार्वजनिक बसमा शून्यदेखि पाँच किलोमिटरसम्म यात्रा गर्दा अब १८ रुपैयाँ भाडा लाग्नेछ ।
त्यस्तै, उपत्यकाभित्र १० किलोमिटर यात्रा गर्दा २४ रुपैयाँ, १५ किलोमिटरसम्म यात्रा गर्दा २९ रुपैयाँ तय गरिएको छ । २० किलोमिटर सम्मको भाडा पहिला ३३ रुपैयाँ रहेकोमा अहिले ३२ रुपैयाँ कायम गरिएको छ ।
638260613772957332
