काठमाडौं । एलआइसी नेपालले बीमालेख धितो कर्जामा लिदै आएको ब्याजदर परिवर्तन गरेको छ। कम्पनीका अनुसार जारी बीमालेखहरुमा बीमालेख धितो वापत दिइने कर्जाको ब्याजमा १० प्रतिशत ब्याजदर कायम गरिएको हो ।
कम्पनीले बीमित एवं सरोकारवालाहरुको हितलाई मध्यनजर गर्दै साउन १ गतेदेखि लागू हुने गरी ऋणको ब्याजदरमा छुट प्रदान गरी १० प्रतिशत कायम गरेको जनाएको छ । यस सुविधा विलम्ब शुल्क र निष्कृय बीमालेखहरुलाई पुनर्जागरण गर्दा समेत प्रदान गरिने भएको हुँदा समयमै आफ्नो कर्जाको ब्याज भुक्तान गरी भरपुर फाइदा लिन समेत कम्पनीले आग्रह गरेको छ ।
