काठमाडौं । एनआईसी एशिया क्यापिटलले केवाईसी अद्यावधिक गर्न ग्राहकहरुलाई आग्रह गरेको छ । क्यापिटलले असार ३० गतेसम्म डिम्याट खाता खोली धितोपत्र सम्बन्धि कारोबार गरिरहेका खातावालालाई डिम्याट खाता खोल्दा उपलब्ध गराएको विवरणमा हालको विवरण परिवर्तन भएमा केवाईसी अद्यावधिक गर्न आग्रह गरेको हो ।
केवाईसी अद्यावधिक गर्ने प्रयोजनको लागि आवश्यक ग्राहक पहिचान फारम क्यापिटलको वेबसाइट मार्फत डाउनलोड गरी नविकरण गर्न सकिने क्यापिटले जनाएको छ । क्यापिटलको शाखा कार्यालयहरुमा सम्पर्क गरी केवाईसी अद्यावधिक गर्न आग्रह गरेको छ ।
त्यस्तै, लगानी व्यवस्थापन सेवा लिएका ग्राहकहरुले उक्त सेवा लिने समयमा उपलब्ध गराएको विवरणसँग हालको विवरण परिवर्तन भएमा क्यापिटलको केन्द्रीय कार्यालय ट्रेड टावरको चौथो तल्लामा सम्पर्क गर्न क्यापिटलले आग्रह गरेको छ ।
