काठमाडौं । मनकामना एन्जिनियरिङ हाइड्रोपावर र भगवती हाइडङोपावर डेभलपमेन्ट कम्पनीले आईपीओ निष्काशनको अनुमति पाएको छ । नेपाल धितोपत्र बोर्ड (सेबोनले) यी दुई कम्पनीलाई आईपीओ निष्काशनको अनुमति दिएको हो ।
सेबोनले मनकामना इन्जिनियरिङलाई २८ करोड रुपैयाँ र भगवती हाइड्रोपावरलाई १६ करोड ५८ लाख ९८ हजार ७९२ रुपैयाँ बराबरको आईपीओ बिक्रि गर्न अनुमति दिएको हो ।
मनकामना इन्जिनियरिङले कुल २८ लाख कित्ता स्थानिय र सर्वसाधारणका लागि बिक्रि खुल्ला गर्नेछ । यस कम्पनीको बिक्रि प्रबन्धकमा भने बीओके क्यापिटल मार्केट रहेको छ ।
यसैगरी भगवती हाइड्रोपावरले कम्पनीको स्थानिय र सर्वसाधारणका लागि आईपीओ बिक्रि गर्ने छ ।अंकित मूल्य १ सय रुपैयाँमा १६ रुपैयाँ थपेर प्रति कित्ता ११६ रुपैयाँमा कुल १४ लाख ३० हजार १६२ रुपैयाँमा आईपीओ बिक्रि गर्ने छ । कम्पनीको आईपीओ बिक्रि प्रबन्धकमा भने सिद्धार्थ क्यापिटल रहेको छ ।
