काठमाडौं । नेपाल बीमा प्राधिकरणका चार्टर्ड एकाउन्टेन्ट ज्योति प्रकाश पाण्डे नयाँ लघु जीवन बीमा कम्पनीको नायव प्रमुख कार्यकारी अधिकृत ‘डिसिइओ’मा जाने भएका छन् । पाण्डे बीमा प्राधिकरणको जागिर छाडेर गार्डिएन माइक्रोइन्स्योरेन्स कम्पनीमा सेकेण्ड म्यान भएका हुन् । उनि बीमा प्राधिकरणमा लामो समयदेखि चार्टर्ड एकाउन्टेन्टमा कार्यरत थिए ।
कम्पनीको प्रमुख कार्यकारी अधिकृतमा चिरायु भण्डारी नियुक्त भइसकेका छन् । जीवन बीमा कम्पनी तथा पुनर्बीमा कम्पनीमा लामो अनुभव हासिल गरेका भण्डारीले आफ्नो कार्यभार सम्हालिसकेका छन् । प्राधिकरणका पाण्डे भण्डारी सँग सँगै काम गर्ने छन् ।
कम्पनीको मुख्य लगानीकर्ता दिपक भट्ट र शंकर ग्रुपका साहिल र सुलभ अग्रवालहरु रहेका छन् । कम्पनीको अध्यक्ष विज्ञानराज शर्मा छन् ।
कम्पनीको केन्द्रिय तथा प्रधान कार्यालय कोशी प्रदेशको विराटनगरमा रहेको छ । कम्पनीले विराटनगरबाट नेपालभर लघु जीवन बीमा व्यवसाय गर्नेछ । प्राधिकरणले प्रादेशिक रुपमा सात वटा प्रदेशमा एक एक वटा लघु बीमा कम्पनीहरुलाई लाइसेन्स वितरण गरेको छ । कम्पनीले यहि असार भित्रै व्यवसाय शुभारम्भ गर्दैछ । प्राधिकरणबाट बीमा पोलिसी स्वीकृत हुन बाँकी रहेकाले कम्पनीले व्यवसाय शुभारम्भको घोषणा गरेको छैन । कार्यालय सञ्चालनका लागि सम्पुर्ण प्रकृयाँ पुरा गरिसकेको कम्पनीले बीमा पोलिसी स्वीकृत हुने वित्तीकै बजारमा आउनेछ ।
