काठमाडौं । नेपालमा आज थप १११ जनामा कोरोना संक्रमण पुष्टि भएको छ । साथै सोहि समय कोरोनाकै कारण थप एक जनाको मृत्यु भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा नेपालभरबाट २ हजार ५१७ जनामा कोरोना संक्रमण परिक्षण गरिएको थियो । जसमध्ये १ हजार ४० जनामा गरिएको आरटीपीसीआर परिक्षणमा ७८ जना संक्रमित थपिएका छन् । साथै १ हजार ४७७ जनामा गरिएको एन्टीजेन परिक्षणमा ३३ जनामा कोरोना संक्रमण देखिएको छ ।
आज थपिएका संक्रमितसँगै नेपालमा सक्रिय संक्रमितको संख्या ३७८ जना पुगेको छ । आजै ६० जना भने कोरोना मुक्त भएका छन् ।
