काठमाडौं । उपनिर्वाचनको मत परिणाम सँगै शेयर बजारमा सुधार देखिएको छ । राष्ट्रिय स्वतन्त्र पार्टीका सभापती रविलामिछाने चितवनको २ नम्बर क्षेत्र र स्वर्णिम वाग्ले तनहुँ एकबाट निर्वाचित भए सँगै यसको सकारात्मक प्रभाव शेयर बजारमा देखिएको हो ।
अर्थविद स्वर्णिम वाग्ले निर्वाचित भए सँगै राष्ट्रिय स्वतन्त्र पार्टीले आफु सरकारमा संलग्न भएका खण्डमा वाग्लेलाई अर्थमन्त्रीको रुपमा अगाडी सार्ने चर्चा चलेको छ । अहिले पनि स्वतन्त्र पार्टीले सरकारलाई दिएको समर्थन फिर्ता लिएको छैन । यसले गर्दा सरकारमा आफ्नो मन्त्री पठाउने सम्भावना उच्च छ । अहिलेको सत्ता समिकरणलाई राष्ट्रिय स्वतन्त्र पार्टीलाई सरकारमा समावेश गराउदा लाभप्रद छ ।
यदि अर्थविद वाग्ले सरकारमा गए पनि अहिलेको आर्थिक संकटलाई चिर्न सफल हुने विश्लेषण गरिएको छ । यहिकारले आज लगातार घटिरहेको नेप्से सूचक १७.३६ अंकले सुधार भएको छ । कारोबार रकम भने ८८ करोड २५ लाख रुपैयाँमा सिमित भएको छ । नेप्से सूचक १९०५.६८ अंकमा रोकिएको छ ।
१६३ वटा कम्पनीको शेयर मूल्यमा सुधार हुँदा ४८ वटा कम्पनीको शेयर मूल्यमा गिरावट देखिन्छ । म्युचुअल फण्ड बाहेक सम्पुर्ण सूचक तथा उपसूचकमा सुधार देखिएको छ ।