काठमाडौं । आज नेपालमा एकैदिन १४२ जना कोरोना संक्रमित थपिएका छन् । पछिल्लो २४ घण्टामा देशभरबाट १४२ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ ।
मन्त्रालयका अनुसार पछिल्लो २४ घण्टामा देशभरबाट कुल १०७९ जनामा कोरोना परिक्षण गरिएको थियो । जसमध्ये ३८१ जनामा परिक्षण गरिएको आरटी पीसीआरमा ४४ जना संक्रमित र ६९८ जनामा गरिएको एन्टिजेन परिक्षणमा ९८ जनामा कोरोना संक्रमण पुष्टि भएको हो ।
आज थपिएका संक्रमितसँगै नेपालमा सक्रिय कोरोना संक्रमितको संख्या १६३ जना पुगेको छ भने आजै ४ जना कोरोना संक्रमण मुक्त भएका छन् ।
