काठमाडौं । यूनियन लाइफ इन्स्योरेन्स कम्पनी लिमिटेडले संस्थापकतर्फको १९ प्रतिशत शेयर स्वामित्व सर्वसाधारणमा परिणत गर्ने भएको छ । कम्पनीले हाल कायम ७० प्रतिशत संस्थापक तर्फको शेयर स्वामित्व ५१ प्रतिशतमा झार्न लागेको जनाएको छ । हाल कम्पनीको चुक्ता पूँजी २ अर्ब ३४ करोड २८ लाख ५५ हजार पुगेको छ । अब कम्पनीको शेयर स्वामित्व ५१ः४९ रहने भएको छ ।
माघ २६ गते सम्पन्न वार्षिक साधारण सभाबाट कम्पनीले शेयर संरचना परिवर्तको प्रस्ताव समेत पारित गरेको थियो । आफ्नो स्वामित्वको संस्थापक शेयर सर्वसाधारणमा परिणत गर्न नचाहने सदस्यहरूले आगामी ७ दिनभित्र कम्पनीमा जानकारी गराउन कम्पनीले आग्रह गरेको छ ।
