काठमाडौं । आज सातको पहिलो दिन शेयर बजारमा सामान्य सुधार भएर बन्द भएको छ । आज नेप्से परिसूचक १ दशमलव ५४ अंकले बढेर २,०९६ दशमलव ०८ को विन्दुमा कायम भएको छ । आज १०८ वटा कम्पनीको शेयर मुल्य बढेको छ भने १०१ कम्पनकिो शेयर मुल्य घटेको छ ।
आज दिनभरिमा २५८ कम्पनीको ५२ लाख ६ हजार ३७० कित्ता शेयर किनबेच हुँदा १ अर्ब ९३ करोड १७ लाख १९ हजार रुपैयाँको शेयर कारोबार भएको छ । आज सबैभन्दा धेरै नेपाल लाइफ इनस्योरेन्स कम्पनीको शेयर कारोबार भएको छ । आज कम्पनीको ६ करोड ४४ लाख रुपैयााको शेयर कारोबार भएको छ ।
त्यस्तै, एनआइसी एशिया बैंकको ५ करोड ८५ लाख रुपैयाँको शेयर कारोबार भएको छ । नविल बैंकको ५ करोड ७४ लाख रुपैयाँको शेयर कारोबार भएको छ । चिलिमे हाइड्रोपावर कम्पनीको ५ करोडमाथिको शेयर कारोबार भएको छ ।
आज सबैभन्दा धेरै आदर्श लघुवित्तका लगानीकर्ताले कमाएका छन् । कम्पनीका लगानीकर्ताले १० प्रतिशतका दरले कमाएका छन् । पोखरा फाइनान्स कम्पनकिा लगानीकर्ताले ८ दशमलव ४९ प्रतिशतका दरले कमाएका छन् । सिद्धार्थ इक्विटी फण्डका इकाईधनीले ४ प्रतिशतका दरले कमाएका छन् ।
आज सबैभन्दा धेरै इष्र्टन हाइड्रोपावर कम्पनीका लगानीकर्ताले गुमाएका छन् । कम्पनीका लगानीकर्ताले ५ दशमलव ४५ प्रतिशतका दरले गुमाएका छन् ।
