काठमाडौं । प्रदेश पाँच शेयर लगानीकर्ता फोरमले अघिल्ला बर्षहरूमा झै यस बर्ष पनि आफ्नो वार्षिकोत्सवको अवसरमा राहत सामग्री वितरण कार्यक्रम सम्पन्न गरेको छ । फोरमले रुपन्देहीको, कोटिहवास्थित नेपाल अविनाश अनाथ आश्रमलाई खाद्य सामग्री तथा लत्ताकपडा सहयोग गरेको हो ।
बुटवलमा केन्द्रिय कार्यालय रहेको प्रदेश ५ शेयर लगानीकर्ता फोरमले राजधानी बाहिर बसेर शेयर बजार विकास र विस्तारको लागि काम गर्दै आएको सस्था हो । प्रत्यक वर्ष वार्षिकोत्सवमा सामाजिक उत्तरदायित्व अन्तर्गत विभिन्न सामाजिक संघसंस्थालाई सहयोग गर्दै आएको र आगामी दिनमा पनि सहयोगका यस्ता कार्यक्रमलाई निरन्तरता दिने प्रतिबद्धता प्रदेश पाँच शेयर लगानीकर्ता फोरमका अध्यक्ष कमल तिवारीले जानकारी दिएका छन् ।
कार्यक्रममा फोरमको तर्फबाट अध्यक्ष कमल तिवारी, फोरम सचिव योगेन्द्रप्रसाद पन्थी, फोरम कोषाध्यक्ष दिनेश गैरे, फोरम सदस्यहरु मुकुन्द भट्टराई, प्रकाश भण्डारी र फोरमका सल्लाहकार गोपाल भट्टराई र राजेन्द्र पाण्डेको सहभागिता थियो । कार्यक्रममा फोरम अध्यक्ष कमल तिवारी र फोरम सल्लाहकार र राजेन्द्र पाण्डेले कार्यक्रममा आफ्ना केही विचार राखेका थिए ।
नेपाल अविनाश अनाथ आश्रमले बेसाहारालाई साहारा दिने, गाँस वास, कपासको व्यवस्था र शिक्षा ,रोजगारीको पनि सहयोग गर्दै आएको सस्था हो ।
