काठमाडौं । नेपाल स्टक एक्सचेञ्जले रिडी पावर कम्पनीलाई सचेत गराउँदै शेयर कारोबार फुकुवा गरिदिएको छ । नेप्सेले कम्पनीको शेयर कारोबार भोलि मंसिर १९ गतेदेखि कारोबार हुनेगरी फुकुवा गरिदिएको हो ।
कम्पनीले गत मसिर ६ गते कारोबार समयमा संचालक समितिको बैठक बसी आर्थिक वर्ष २०७८/७९ को लाभांश घोषणा सम्बन्धी पत्र कारोबार समयपश्चात नेप्सेमा पठाएकोमा नेप्सेले कम्पनीको शेयर कारोबार रोक्का गरेको थियो ।
कम्पनीले यस सम्बन्धमा भुलबस समय अन्यथा हुन पुगेको र अब उप्रान्त यस्तो कमिकमजोरी नगर्ने प्रतिबद्धता व्यक्त गर्दै कम्पनीले क्षमायाचना मागेकोले नेप्सेले सचेत गराउँदै शेयर कारोबार भोलिबाट हुनेगरी फुकुवा गरिदिएको हो ।
