काठमाण्डाै । सूर्या लाइफ र ज्याेती लाइफ इन्स्याेरेन्सबीच मर्जर सम्बन्धि अन्तिम सम्झाैतासँगै जीवन बीमा कम्पनीकाे इतिहासमा पहिलाे मर्जर हुँदैछ । मर्जर पछि बन्ने नयाँ कम्पनी सूर्य ज्याेती लाइफ इन्स्याेरेन्सकाे नेतृत्व र व्यवस्थापकीय जिम्मेवारी कसले सम्हाल्ने सम्बन्धमा पनि विस्तृत सम्झाैतामा दुबै पक्षकाे संचालक समितिबीच लिखित सहमति भइसकेकाे छ । मर्जर पछि गठन हुने नयाँ संचालक समितिको अध्यक्ष पदकाे जिम्मेवारी सूर्या लाइफ इन्स्योरेन्सकाे संचालक समितिका अध्यक्ष केशव प्रसाद भट्टराईले सम्हाल्ने भएका छन् ।
यसैगरी प्रमुख कार्यकारी अधिकृतमा ज्योति लाइफ इन्स्योरेन्सका प्रकाश विक्रम खत्री रहनेछन् । सूर्या लाइफ इन्स्योरेन्सका प्रमुख कार्यकारी अधिकृत पवन कुमार खड्का वरिष्ठ नायब प्रमुख कार्यकारी अधिकृतको जिम्मेवारीमा रहनेछन् ।
