काठमाडौं । बीमा समितिमा माइक्रो इन्स्योरेन्स कम्पनीको लागि आवेदन दिनेको भिड लागेको छ । समितिले आज अपरान्ह १२ बजेसम्म म्याद दिएका कारण विहानै देखि आवेदकको भिड लागेको हो । विभिन्न व्यवसायिक घराना तथा बैंक वित्तीय संस्थामा लगानी गर्ने लगानीकर्ताको समुहले प्रस्ताव पेश गरिरहेका छन् ।
पछिल्लो विवरण अनुसार आज मात्रै तीन विकास बैंक गण्डकी विकास बैंक, गरिमा विकास बैंक र मुक्तिनाथ विकास बैंकले जीवन र निर्जीवन माइक्रो इन्स्योरेन्सका लागि छुट्टा छुट्टै आवेदन पेश गरेका छन् । यस हिसावले तीन विकास बैंककै ६ वटा आवेदन परेको छ ।
मंगलबार मात्रै ७ वटाको आवेदन परेको थियो । आज मात्रै उन्नती माइक्रो लाइफ, उन्नती माइक्रो जनरल, स्वर्गद्धारी माइक्रो जनरल र लाइफ, केयर माइक्रो जनरल, श्री शक्ति लघुवित्त जीवन बीमा कम्पनी, लिबर्टी माइक्रो लाइफ, सुरक्षा लघु जीवन बीमा कम्पनी लगायतले आवेदन दिएका छन् ।
