काठमाडौं । माइक्रोइन्स्योरेन्स कम्पनीका लागि विकास बैंकहरुको आकर्षण देखिएको छ । आज मात्रै गरिमा विकास बैंक, गण्डकी विकास बैंक र मुक्तिनाथ विकास बैंकले जीवन तथा निर्जीवन माइक्रोइन्स्योरेन्स कम्पनीका लागि आवेदन दिएका छन् ।
गरिमा विकास बैंक समुहले गरिमा माइक्रो लाइफ इन्स्योरेन्स र गरिमा माइक्रो जनरल इन्स्योरेन्स कम्पनीको लागि आवेदन दिएका छन् । त्यस्तै मुक्तिनाथ विकास बैंकले मुक्तिनाथ माइक्रो जनरल इन्स्योरेन्स र मुक्तिनाथ माइक्रो लाइफ इन्स्योरेन्स कम्पनीका लागि आवेदन दिएको छ । गण्डकी विकास बैंकले पनि जनरल र जीवन दुबैका लागि आवेदन दिएको हो ।
आज उन्नती माइक्रोफाइनान्स समुहले उन्नती माइक्रोजनरल इन्स्योरेन्स कम्पनीको लागि आवेदन दिएको छ । अहिलेसम्म नियो लाइट माइक्रो जनरल इन्स्योरेन्स, स्वदेशी लघु जीबन बीमा कम्पनी, जानकी जीवन लघुबीमा कम्पनी, नेपाल माइक्रो इन्स्योरेन्स कम्पनी, गौर्दैन माइक्रो लाइफ इन्स्योरेन्स, कर्णाली माइक्रो इन्स्योरेन्स र एभरेस्ट माइक्रो इन्स्योरेन्स लिमिटेड प्रस्तावित कम्पनीले बीमा समितिमा लाइसेन्सका लागि निवेदन दिएका छन् ।
