काठमाडौं । आर्थिक वर्ष २०७८/ ७९ को असार महिनासम्ममा २० निर्जीवन बीमा कम्पनीहरुले ३९ अर्ब १६ करोड ९९ लाख रुपैयाँ कुल बीमा शुल्क आर्जन गरेका छन् । बीमा समितिको तथ्याङक अनुसार यी कम्पनीहरुले २७ करोड ८८ लाख रुपैयाँ बीमालेख जारी गरी यस बीमा शुल्क आर्जन गरेका हुन् । यी कम्पनीहरुले असार महिनामा मात्रै ५ अर्ब २८ करोड ६३ लाख रुपैयाँ कुल बीमा शुल्क आर्जन गरेका छन् ।
समितिको तथ्याङक अनुसार यस महिनासम्ममा सबैभन्दा धेरै कुल बीमा शुल्क आर्जन गर्ने कम्पनीमा शिखर इन्स्योरेन्स कम्पनी रहेको छ । कम्पनीले यस अवधिसम्ममा ५ अर्ब ९२ लाख रुपैयाँ कुल बीमा शुल्क आर्जन गरेको छ । दोस्रोमा सगरमाथा इन्स्योरेन्स कम्पनी रहेको छ । कम्पनीले ३ अर्ब १० करोड रुपैयाँ कुल बीमा शुल्क आर्जन गरेको छ ।
तेस्रोमा नेको इन्स्योरेन्स कम्पनी रहेको छ । कम्पनीले यस अवधिमा २ अर्ब ८५ करोड रुपैयाँ कुल बीमा शुल्क आर्जन गरेको छ । चौथोमा राष्ट्रिय बीमा कम्पनी रहेको छ । कम्पनीले यस अवधिमा २ अर्ब ६४ करोड रुपैयाँ कुल बीमा शुल्क आर्जन गरेको छ ।
त्यस्तै, सिद्धार्थ इन्स्योरेन्सले २ अर्ब ६१ करोड, एनएलजी इन्स्योरेन्स कम्पनीले २ अर्ब ३७ करोड, प्रिमियर इन्स्योरेन्स कम्पनीले २ अर्ब १४ करोड, हिमालयन जनरलले २ अर्ब ६ करोड, आइएमई जनरलले १ अर्ब ७७ करोड, अजोड इन्स्योरेन्सले १ अर्ब ६६ करोड, लुम्बिनी जनरलले १ अर्ब ५८ करोड, नेपाल इन्स्योरेन्सले १ अर्ब ५८ करोड,यूनाटेड इन्स्योरेन्सले १ अर्ब ५४ करोड, ओरिएण्टल इन्स्योरेन्सले १ अर्ब ४४ करोड रुपैयाँ कुल बीमा शुल्क आर्जन गरेका छन् ।
त्यसैगरी प्रभु इन्स्योरेन्सले १ अर्ब ३५ करोड, प्रुडेन्सियल इन्स्योरेन्सले १ अर्ब ३३ करोड, एभरेष्ट इन्स्योरेन्सले १ अर्ब २२ करोड, सानिमा जनरलले १ अर्ब ४ करोड, नेशनल इन्स्योरेन्सले ९० करोड ६६ लाख र जनरल इन्स्योरेन्सले ९० करोड १२ लाख रुपैयाँ कुल बीमा शुल्क आर्जन गरेका छन् ।
