काठमाडौं । गरिबदेखि धनीसम्मको प्रिय घर पालुवा जनावर । घर पालुवा जनावरलाई आफ्नो सन्तानभन्दा पनि बढी माया हेरचाह गर्ने धनाध्यहरु यूरोपेली मुलुकमा धेरै पाइन्छन् । धनाध्यहरुको परिवारमा छोराछोरी आफूसँगै नबस्ने अवस्थामा कुकुर, बिरालोजस्तो घरपालुवा जनावर पालनपोषण र स्याहार गरेर तनाव कम गर्छन् ।
नेपालमा कृषि प्रयोजनको पालिएको पशुपंक्षीको लागी पशु बीमा गर्ने चलन भएपनि घरपालुवा जनावरको बीमा गर्ने प्रचलन खासै छैन ।
तर विदेशी मुलुकहरूमा घर पालुवा जनावरहरूलाई पनि बहुमूल्य सम्पत्ती झैं ठूलो बीमांक सहित बीमा गर्ने चलन प्रशस्तै पाइन्छ ।
घरपालुवा जनावरको बीमामा पशुपंक्षी उपचार शुल्क, इच्छामृत्यु, रोग, स्याहार केन्द्रको शुल्क, शव गाड्ने र दाहसंस्कार सम्मको खर्च समेत समावेश गरिएको हुन्छ । अहिलेसम्मको बीमा इतिहासमै सबैभन्दा महँगो घरपालुवा जनावरको बीमा दाबी सन् २०१० मा गरिएको थियो । यो बीमा अन्तर्गत बिरालोको मालिकलाई बिरालोको मृगौला शल्यक्रियाको लागि २१ हजार अमेरिकी डलर आवश्यक थियो । अहिलेको विनिमय दर अनुसार यो रकम २६ लाख ४६ हजार रुपैयाँ बराबर हुन आउँछ ।
पेटमेडका अनुसार बिरालोको मृगौला शल्यक्रियाको लागि १२ हजारदेखि १५ हजार अमेरिकी डलर खर्च लाग्छ ।
