मधेश प्रदेश अन्तर्गत ९ शाखाका कर्मचारीलाई लुम्बिनी जनरलले दियो अण्डर राइटिङ्ग तालिम

काठमाडौं।‌ लुम्बिनी जनरल इन्स्योरेन्सले मधेश प्रदेशका शाखा कार्यालय अन्तर्गत कार्यरत कर्मचारीहरुको लागि बीमा जोखिमाङ्कन (अण्डर राइटिङ्ग) सम्बन्धि तालिम दिएको छ । तालिममा मधेश प्रदेश, हेटौंडा र चितवनको टाँडी सहित ९ वटा शाखा कार्यालयबाट कर्मचारी सहभागी रहेका थिए।

तालिम कार्यक्रममा कम्पनीका सहायक महाप्रबन्धक नवराज तिमल्सिनाले सहभागीहरुलाई जुनसुकै बीमा प्रस्ताव स्वीकार्नु अघि ध्यान दिनुपर्ने पक्षहरुबारे जानकारी दिएका थिए ।

त्यस्तै, तिमल्सिनाले जोखिमाङ्कन संवेदनशील विषय भएकोले जोखिम बहन गर्न लागिएको सम्पत्ति वा विषयवस्तुको मूल्य, संवेदनशीलता, भौगोलिक अवस्थिति, पर्यावरणीय परिवर्तनबाट आइपर्न सक्ने विपत्तिलगायतको विषयमा चनाखो भएर प्रस्तावको मूल्याङ्कन गर्न सुझाव दिए ।

सहभागीहरुलाई इन्स्योरेन्सको मधेश प्रदेश प्रमुख निशान्त लामिछानेले बीमा प्रस्तावका समयमा ध्यान नपुर्याउँदा दाबी भुक्तानीको समयमा आइपर्ने समस्याबारे अवगत गराए ।

 

प्रतिक्रिया दिनुहोस्

सम्बन्धित समाचार