युनियन लाइफद्धारा को–पाइलट उत्सव पोखरेलको परिवारलाई मृत्यु दाबी भुक्तानी

काठमाडौं । युनियन लाइफ इन्स्योरेन्स कम्पनी लि.ले तारा एयरको विमान दुर्घटनामापरि मृत्यु भएका को–पाइलट उत्सव पोखरेलको परिवारलाई मृत्यु दाबी भुक्तानी उपलब्ध गराएको छ । पोखरेलले २०७८ चैत २८ गते युनियन लाइफ इन्स्योरेन्स पेप्सिकोला शाखामा जीवन आवरण पोलिसी अन्तर्गत बीमा गरेका थिए ।

युनियन लाइफ इन्स्योरेन्स पेप्सिकोला शाखाले मृतक पोखरेलका दाई उमेश पोखरेललाई ५० लाख ८ हजार ३ सय ३३ रुपैयाँको चेक हस्तान्तरण गरेको हो । पेप्सिकोला शाखाका शाखा प्रमुख खिलराज पोखरेलका अनुसार बीमा गरेको ४८ दिनपछि को–पाइलट उत्सव पोखरेलको मृत्यु भएको थियो ।

कम्पनीले एक कार्यक्रमको आयोजना गर्दै मृतकका दाइलाई मृत्यु दाबी भुक्तानी गरेको शाखा प्रमुख खिलराज पोखरेलले बताए । उक्त कार्यक्रममा कम्पनीका डेपुटी सिइओ कविल कुमार दाहाल, प्रदेश प्रमुख हरिप्रसाद ढुङ्गाना, प्रदेश उप -प्रमुख अमर श्रेष्ठ तथा सिनियर एजेन्सीहरुको उपस्थिति रहेको थियो ।

 

प्रतिक्रिया दिनुहोस्

सम्बन्धित समाचार