समृद्धि फाइनान्सको लिलामी शेयरमा आवेदन दिने आज अन्तिम दिन

काठमाडौं । समृद्धि फाइनान्स कम्पनीको लिलामी शेयरमा आवेदन दिने आज अन्तिम दिन रहेको छ । कम्पनीले कुल ९ लाख ४० हजार ४६६ कित्ता शेयर असार १ देखि लिलामीमा विक्री खुला गरेको हो ।

कुल ९ लाख ४० हजार ४६६ कित्तामध्ये संस्थापक समूहको ८ लाख ६७ हजार ३६६ कित्ता र सर्वसाधारण समूहको ७३ हजार १०० कित्ता रहेको छ । इच्छुक आवेदकले आज बैंकिङ समयसम्म लिलामी शेयरमा आवेदन दिन सक्नेछन् ।

शेयरको न्यूनतम मूल्य प्रतिकित्ता १ सय रुपैयाँ तोकिएको हुँदा सो वा सोभन्दा बढी मूल्य अंकित गरी बोलपत्र पेश गनुपर्नेछ । शेयर खरीदका लागि आवेदन दिदा न्यूनतम १ हजार कित्तादेखि अधिकतम सम्पूर्ण कित्ताका लागि आवेदन दिन सकिनेछ ।

विक्री प्रबन्धकमा बिओके क्यापिटल मार्केट लिमिटेड रहेको छ । साथै बैंक अफ काठमाण्डूको शाखा कार्यालयहरु मेनरोड विराटनगर, आदर्शनगर वीरगञ्ज, न्यूरोड पोखरा, ट्राफिक चोक बुटवल, सुर्खेतरोड नेपालगञ्ज, विरेन्द्रनगर सुर्खेत, मेनरोड चौराहा धनगढीबाट बोलपत्र आवेदन फारम पाउन र बुझाउन सकिनेछ ।

साथै समृद्धि फाइनान्सको केन्द्रीय कार्यालय हेटौंडा, मकवानपुर शाखा कार्यालय, पुतलीसडक काठमाडौं, नारायणगढ चितवन,पोखरा कास्की, बुटवल रुपन्देहीमा पनि बोलपत्र बुझाउन सकिने जनाएको छ ।

प्रतिक्रिया दिनुहोस्

सम्बन्धित समाचार