विवाहमा छोरी ज्वाईलाई आमाले दिइन् “सूर्या सुरक्षित” बीमा पोलिसी उपहार

काठमाडौं । पछिल्लो समय जन्म दिन, विवाह, उत्सव तथा विभिन्न चार्डपर्वमा सुन, गहना तथा जिन्सी सामान उपहार दिने प्रचलनलाई छोड्दै बीमा पोलिसी उपहार दिने प्रचलन बढ्दै गएको छ । यसैक्रममा कुश्मा निवासी मेनका रेग्मीले आफुले सानो सानो रुपमा बचत गरी जम्मा भएको रकमबाट आफ्ना छोरी ज्वाईलाई उपहार स्वरुप जीवन बीमा गरीदिएकी छिन् ।

सन्ततिको सुनौलो र उज्वल भविष्यको चाहाना सदैव आमा बुबाले राखेका हुन्छन् । उनीहरुको पालनपोषन, शिक्षादिक्षा, विवाह, ब्रतबन्ध आदि अविस्मरणीय रहोस भन्ने इच्छा सबै अभिभावकको हुन्छ । छोरा छोरीको विवाह अभिभावकको लागि एक अमुल्य क्षण हुन्छ । यसै क्षणलाई यादगार बनाउन जीवनमा आइपर्न सक्ने जोखिम बहन र बचत पनि होस भन्ने उद्देश्यले वैवाहिक जीवनको सुरुवात गरेका छोरी ज्वाईं, पुजा रेग्मी र सुझाब आचार्यको जीवन सुखमय होस भन्ने कामना सहित बीमा गरिदिएका हुन् ।

उक्त पोलिसी सूर्या लाइफ इन्स्योरेन्सको कुश्मा शाखाबाट लिएका हुन् । उक्त बीमा योजना सूर्या लाइफका एजेन्सी विभाग प्रमुख, यज्ञ बहादुर राउतले बैबाहिक समारोहमै गएर हस्तान्तरण गरेका हुन् । सूर्या सुरक्षित योजना र सूर्या सुरक्षा कवज सहितका यस योजनाले जीवनमा विपत्तिले निम्त्याउन सक्ने आर्थिक समस्याको भार न्यून गर्ने र जोखिम बहन पनि हुने हुदाँ सबैलाई जीवन बीमा गर्न मेनका रेग्मीले सुझाव दिएकी थिइन् ।
माईतिघर छोडेर गएकी छोरीका लागि सदैव आमाको चिनो यस कोसेली स्वरुप आफ्ना छोरी र ज्वाईं दुबैको बीमा गरिदिएको कुरा उनले बताइन् ।

बीमाले जोखिम बहन गर्नुका साथै भविष्यको लागी बचत पनि हुने भएकोले दुलही अन्माउँदा बीमा योजना उपहार दिने एक नौलो र उत्कृष्ट अभियान अहिले चलेको देख्दा जीवन बीमाको महत्व प्रति जनमानसमा सचेतना बढेको भन्ने कुरामा विश्वसत रहेको कुरा समाहरोमा उपस्थित आफन्त र जन्ति पक्षले बताएका छन् ।

 

प्रतिक्रिया दिनुहोस्

सम्बन्धित समाचार