मेगा मर्जरमा जान लागेका यूनियन, प्राइम र गुराँस लाइफलाई दाँजेर हेर्दा (तथ्याङ्क सहित)

काठमाडौं । बीमा समितिले बीमा कम्पनीहरुलाई पुँजी वृद्धि गर्न निर्देशन दिएसँगै बीमा कम्पनीहरुमा मर्जरमा जाने पर्व  सुरु भएको छ । छोटो समयमै निर्जीवन बीमा कम्पनीहरुलाई २ अर्ब ५० करोड  र जीवन बीमा कम्पनीहरुलाई ५ अर्ब पुँजी वृद्धिको लक्ष्य दिँदा धेरै कम्पनीहरुले मर्जरलाई पहिलो प्राथमिकतामा राखेको देखिन्छ । निर्जीवन बीमा तर्फ एभरेष्ट र हिमालयन जनरल मर्जरमा जाँदा जीवन बीमा तर्फ भने एकै पटक तीन जीवन बीमा कम्पनीहरु मर्जरमा जान लागेका हुन् ।

गुराँस लाइफ, प्राइम लाइफ र यूनियन लाइफ इन्स्योरेन्सले मर्जरमा जान हस्ताक्षर गरेका हुन् । यूनियन लाइफ नयाँ जीवन बीमा कम्पनी हो भने गुराँस र प्राइम लाइफ पुराना जीवन बीमा कम्पनी हुन् । यी तीन कम्पनीलाई आर्थिक वर्ष ७८/७९ को तेश्रो त्रैमासको आधारमा इन्स्योरेन्स खबरले गरेको तुलनात्मक अध्ययन :

चुक्ता पुँजीको आधारमा :
चालु आर्थिक वर्षको तेस्रो त्रैमासमा कम्पनीहरुले प्रकाशन गरेको वित्तीय विवरणलाई हेर्दा गुराँस लाइफको चुक्ता पुँजी २ अर्ब ८ करोड, प्राइम लाइफको २ अर्ब ७७ करोड र यूनियन लाइफको चुक्ता पुँजी २ अर्ब १५ करोड रुपैयाँ रहेको छ । मर्जर पश्चात कम्पनीले सजिलै बीमा समितिको पुँजी वृद्धिको लक्ष्य हासिल गर्ने देखिन्छ ।

जगेडा कोषको आधारमा :
चालु आर्थिक वर्षको तेस्रो त्रैमासमा कम्पनीहरुले प्रकाशन गरेको वित्तीय विवरणलाई हेर्दा जगेडा कोषको आधारमा यूनियन लाइफको जगेडामा १ अर्ब ९ करोड, गुराँस लाइफको जगेडामा ५४ करोड ८२ लाख र प्राइम लाइफको जगेडामा ५० करोड ५४ लाख संचित भएको छ।

जीवन बीमा कोषको आधारमा :
चालु आर्थिक वर्षको तेस्रो त्रैमासमा कम्पनीहरुले प्रकाशन गरेको वित्तीय विवरणलाई हेर्दा प्राइम लाइफको जीवन बीमा कोषमा १७ अर्ब ६३ करोड, गुराँस लाइफको जीवन बीमा कोषमा १२ अर्ब ६ करोड  र यूनियन लाइफको जीवन बीमा कोषमा १० अर्ब ३४ करोड छ।

बीमा शुल्क आर्जन :
चालु आर्थिक वर्षको तेस्रो त्रैमासमा कम्पनीहरुले प्रकाशन गरेको वित्तीय विवरणलाई हेर्दा चालु आर्थिक वर्षको ९ महिनालाई आधार मान्दा यूनियन लाइफले ६ अर्ब २२ करोड, प्राइम लाइफले ३ अर्ब ५५ करोड र गुराँस लाइफले २ अर्ब ३८ करोड कुल बीमा शुल्क आर्जन गरेका छन्।

खुद नाफाको आधारमा :
चालु आर्थिक वर्षको तेस्रो त्रैमासमा कम्पनीहरुले प्रकाशन गरेको वित्तीय विवरणलाई हेर्दा चालु आर्थिक वर्षको ९ महिनालाई आधार मान्दा प्राइम लाइफको खुद नाफा १८ करोड ९५ लाख, गुराँस लाइफको खुद नाफा १३ करोड १६ लाख र यूनियन लाइफको खुद नाफा २ करोड ७२ लाख रहेको छ।

किताबी मूल्यको आधारमा :
चालु आर्थिक वर्षको तेस्रो त्रैमासमा कम्पनीहरुले प्रकाशन गरेको वित्तीय विवरणलाई हेर्दा यूनियन लाइफको किताबी मूल्य १५६ रुपैयाँ, गुराँस लाइफको किताबी मूल्य १२९ रुपैयाँ र प्राइम लाइफको किताबी मूल्य १२४ रुपैयाँ छ ।

प्रतिक्रिया दिनुहोस्

सम्बन्धित समाचार