काठमाडौं । व्यवसायिक र वित्तीय रुपमा नबिल बैंक र एनआईसी एशिया बैंक एक आपसमा टक्कर दिँदै आएका स्थापित वाणिज्य बैंक हुन् । केही समय यता एनआईसी एशिया बैंक आक्रामक रुपमा व्यापार गर्दै आएको छ । बजारमा दुई वाणिज्य बैंकलाई दाँजेर राम्रै गफ हुँदै आएकोमा दुवै बैंकले आर्थिक वर्ष ७८/७९ दोश्रो त्रैमासको वित्तीय विवरण सार्वजनिक गरेको अवस्थामा दुई बैंक बीच इन्स्योरेन्स गरेको तुलनात्मक अध्ययन:
चुक्ता पुँजीको आधारमा : एनआईसी एशिया बैंकको चुक्ता पुँजी ११ अर्ब ५६ करोड रहेको छ भने नबिल बैंकको चुक्ता पुँजी १८ अर्ब ४९ करोड रहेको छ । नबिल बैंकले आफ्नो वार्षिक साधारण सभा सम्पन्न गरेको छ भने एनआईसी एशिया बैंकको साधारण सभा हुनै बाँकी नै छ ।
जगेडा कोषको आधारमा : जगेडा कोषलाई हेर्ने हो भने नबिल बैंकको बढी छ । संचित मुनाफा र शेयर प्रिमियम सहितको जगेडा कोष हेर्दा नबिल बैंकको जगेडा कोषमा १५ अर्ब ५८ करोड रहेको छ भने एनआईसी एशियाको जगेडा कोषमा ११ अर्ब ५५ करोड रहेको छ।
निक्षेप र कर्जाको आधारमा : बैंकहरुले प्रकाशन गरेको आर्थिक वर्ष ७८/७९ दोश्रो त्रैमासको वित्तीय विवरणको आधारमा एनआईसी एशिया बैंकले २ खर्ब ९४ अर्ब निक्षेप संकलन गरी २ खर्ब ६१ अर्ब कर्जा प्रवाह गरेको छ भने नबिल बैंकले २ खर्ब ३२ अर्ब निक्षेप संकलन गरी २ खर्ब १५ अर्ब कर्जा प्रवाह गरेको छ।
खुद व्याज आम्दानीको आधारमा : आर्थिक वर्ष ७८/७९ दोश्रो त्रैमासको वित्तीय विवरणको आधारमा एनआईसी एशिया बैंकले चालु आर्थिक वर्षको दोश्रो त्रैमासमा ५ अर्ब २४ करोड खुद व्याज आम्दानी गरेकोमा नबिल बैंकले ४ अर्ब २१ करोड खुद व्याज आम्दानी गरेको छ।
खुद मुनाफा : आर्थिक वर्ष ७८/७९ दोश्रो त्रैमासको वित्तीय विवरणको आधारमा एनआईसी एशिया बैंकले चालु आर्थिक वर्षको दोश्रो त्रैमासमा २ अर्ब ४० करोड खुद नाफा गरेकोमा नबिल बैंकले २ अर्ब १८ करोड खुद नाफा गरेको छ।
किताबी मूल्य : आर्थिक वर्ष ७८/ ७९ दोश्रो त्रैमासको वित्तीय विवरणको आधारमा नबिल बैंकको किताबी मूल्य १८४ रुपैयाँ छ भने एनआईसी एशिया बैंकको किताबी मूल्य १९९ रुपैयाँ छ।
वार्षिक प्रति शेयर आम्दानी : आर्थिक वर्ष ७८/७९ दोश्रो त्रैमासको वित्तीय विवरणको आधारमा एनआईसी एशिया बैंकको वार्षिक प्रति शेयर आम्दानी ४१ रुपैयाँ छ भने नबिल बैंकको वार्षिक प्रति शेयर आम्दानी २३ रुपैयाँ छ ।
बजार मूल्य : माघ ६ गतेको बजार मूल्य अनुसार एनआईसी एशिया बैंकको बजार मूल्य ९१७ रुपैयाँ रहकोमा नबिल बैंकको बजार मूल्य ११७८ रुपैयाँ रहेको छ।
वितरण योग्य मुनाफा : आर्थिक वर्ष ७८/७९ दोश्रो त्रैमासम्मको वित्तीय विवरणको आधारमा चालु आर्थिक वर्षको दोश्रो त्रैमाससम्म एनआईसी एशिया बैंकको वितरणयोग्य मुनाफा ८५ करोड रहेकोमा नबिल बैंकको वितरणयोग्य मुनाफा १ अर्ब ४५ करोड रहेको छ।
खराब कर्जा : आर्थिक वर्ष ७८/७९ दोश्रो त्रैमासको वित्तीय विवरणको आधारमा एनआईसी एशिया बैंकको खराब कर्जा शुन्य दशमवल ४७ प्रतिशत रहेकोमा नबिल बैंकको १ दशमलव ११ प्रतिशत छ ।
मूल्य आम्दानी अनुपात : माघ ६ गतेको बजार मूल्य अनुसार एनआईसी एशिया बैंकको मूल्य आम्दानी अनुपात २२ गुणा रहेको छ भने नबिल बैंकको करिव ५० गुणा रहेको छ।
नोट : उपलब्ध तथ्यांकको आधारमा गरिएको विस्लेषण पूर्ण होइन, थप अनुसन्धान गरेर निर्णय लिनु होला ! माथिको समाचार शेयर कारोवार प्रयोजनका लागि होइन।
