काठमाडौं । लाइफ इन्स्योरेन्स कर्पोरेशन नेपालको इनरुवा शाखाले बीमितको परिवारलाई मृत्यु दाबी भुक्तानी गरेको छ । रामधुनी –९ झुम्काका स्वर्गीय नरेन्द्र कुमार चौधरीको परिवारलाई मुत्यु दाबी भुक्तानी गरेको हो ।
चौधरीको श्रीमती मन कुमारी चौधरी लाई एलआईसी नेपालका इनरुवा शाखा प्रमुख नवीन पाण्डेले बीमा वापतको १० लाख १० हजार १ सय ७६ रुपैयाँको मृत्युदाबीको चेक हस्तान्तरण गरेका हुन् । कर्जा १ लाख ६७ हजार र ब्याज ८२४ घटायर उक्त रकम दिएको जनाएको छ ।
चौधरीको गत साउन १८ गते कोभिड १९ बाट निधन भएको थियो । उनले एलआईसीमा १० रुपैयाँको जिवन बीमा गरेका थिए । ३ किस्तामा दुई लाख ६५ हजार ९ सय ५० रुपैयाँ कम्पनीलाई भुक्तानी गरेका थिए ।
कार्यक्रममा बोल्दै एलआईसी नेपालका इनरुवा शाखा प्रमुख नवीन पाण्डेले जीवन बीमा भनेको बचत र सुरक्षा भयकोले मृत्युपछि पनि परिवारलाई आर्थिक रुपमा सहज हुने बताए ।
