काठमाडौं । नेप्सेमा प्रिमियर इन्स्योरेन्सको शेयर मूल्य समायोजन भएको छ । कम्पनीले साधारणसभाको लागि आज माघ ५ देखि २१ गतेसम्म बुक क्लोज गर्ने निर्णय गरेसँगै आज कम्पनीको शेयर मूल्य समायोजन भएको हो ।
कम्पनीको १४ दशमलव २५ प्रतिशत बोनश शेयरको मूल्य समायोजन भएको हो । समायोजनपछि कम्पनीको शेयर मूल्य प्रति कित्ता १०६१ रुपैयाँ ७१ पैसा कायम भएको छ । समायोजन अघि कम्पनीको शेयर मूल्य प्रति कित्ता १२१३ रुपैयाँ रहेको थियो ।
कम्पनीले साधारणसभा प्रयोजनको लागि माघ ५ देखि २१ गतेसम्म बुक क्लोज गर्ने निर्णय गरेकोले माघ ४ गतेसम्म कायमं शेयरधनीलेमात्र सभामा भाग लिन तथा प्रस्तावित लाभांश पाउने छन् । कम्पनीले माघ २१ गते भर्चुअल माध्यमबाट साधारणसभा गर्ने निर्णय गरेको छ ।
