कयालको पृष्ठपोषण गर्न नेपाल लाईफको संगठनात्मक संरचना नै गञ्जागोल

काठमाण्डौं । बीमा समितिको कारवाहीमा परेपछि नेपाल लाईफ इन्स्योरेन्स कम्पनी लिमिटेडले अमित कयालको (घटुवा) गरेको छ ।
कम्पनीको नायब महाप्रबन्धक पदमा पद्दोन्नती गरिएका कयाललाई कम्पनीले वरिष्ठ प्रबन्धकको रोल क्रममा राखेको छ । माघ १ गते शनिबार अध्यावधिक गरिएको कम्पनीको आधिकारिक वेबसाइटका अनुसार नायब महाप्रबन्धक रहेका कयाललाई वरिष्ठ प्रबन्धक प्रेम प्रसाद रेग्मी र कम्पनी सचिव विनोद कुमार भुजेलको बीचमा राखिएको छ ।

यसअघि नायब महाप्रबन्धकको हैसियतमा वरिष्ठ सहायक महाप्रबन्धक दिग्विजय सिंघ, वरिष्ठ प्रबन्धक प्रेम प्रसाद रेग्मीलगायत अन्य कनिष्ठ कर्मचारीलाई निर्देशन दिंदै आएकोमा अब कयालले उनीहरुकै आदेश पालना गर्नुपर्ने भएको छ । यो घटुवाको कारण उनले नैतिकताको आधारमा राजीनामा दिनसक्ने संभावना देखिएको छ ।

यद्दपि यसअघिको रोलक्रममा प्रमुख कार्यकारी अधिकृत, नायब महाप्रबन्धक र वरिष्ठ प्रबन्धकसम्मको पद खुलाइएकोमा अहिले अमित कयाललाई वरिष्ठ प्रबन्धक पछि राखिएकोमा वरिष्ठ नायब प्रमुख कार्यकारी अधिकृत र निमित्त प्रमुख कार्यकारी अधिकृत बाहेकको पद खुलाइएको छैन ।

यसैगरी प्रविण रमण पराजुली वरिष्ठ नायब प्रमुख कार्यकारी अधिकृत नियुक्त भइसक्दा पनि उनी भन्दा कनिष्ठ सुशिल कुमार चौधरी नै निमित्त प्रमुख कार्यकारी अधिकृतको जिम्मेवारीमा रहेका छन् । अर्थात् अहिलेको अवस्थामा पनि वरिष्ठ नायब प्रमुख कार्यकारी पराजुलीभन्दा पनि चौधरी नै अधिकार सम्पन्न छन् ।

शुरुमा सहायक महाप्रबन्धक पदमा नेपाल लाईफ प्रवेश गरेका अमित कयाल संचालक समितिको कृपा प्राप्त गरेर एकै वर्षमा दुईतह माथि नायब महाप्रबन्धक पदमा बढुवा गरिएका थिए । जबकी उनीसँग बीमा कम्पनी, बैंक वा वित्तीय संस्थामा कार्य गरेको पूर्व अनुभव शुन्य रहेको थियो । बीमा समितिले कार्यान्वयनमा ल्याएको बीमकको संस्थागत सुशासन निर्देशिका २०७५ का अनुसार अनुभव शुन्य व्यक्ति उक्त पदमा नियुक्तिको लागी अयोग्य ठहरिन्छ ।

नेपाल लाईफको संगठनात्मक संचरनामा अर्को विरोधाभाष एउटै विभागमा दुईजना प्रमुख नियुक्तिले गरेको छ । वरिष्ठ प्रबन्धक प्रेम प्रसाद रेग्मी लेखा, वित्त र आन्तरिक नियन्त्रण विभागको प्रमुख रहेका छन् भने अर्का कर्मचारी रोशन दवाडी पनि लेखा र वित्त विभाग प्रमुखको जिम्मेवारी सम्हालि रहेका छन् । एउटै विभागको दुईजना प्रमुख हुँदा उनीहरु मातहत कार्यरत कर्मचारीहरुलाई कार्य सम्पादनको क्रममा कसको आदेश प्राथमिकताको साथ पालना गर्ने र कसलाई आफूले रिपोर्टिङ गर्ने भन्ने अन्यौल पैदा भएको छ ।

यो पनि पढ्नुहोस 

इन्स्योरेन्स खवर प्रभाव : नेपाल लाइफका कयालको गैरकानुनी बढुवा फिर्ता लिन समितिको निर्देशन

नेपाल लाईफमा अमित कयालको गैर कानूनी नियुक्ति, नियामक निकाय बीमा समिति नै बन्यो रमिते

 

प्रतिक्रिया दिनुहोस्

सम्बन्धित समाचार