सानिमा जनरलको साधारण सभा आज हुँदै, यस्ता छन् एजेण्डा

काठमाडौं । सानिमा जनरल इन्स्योरेन्स कम्पनीले आज पुस ३० गते साधारण सभा गर्ने भएको छ । कम्पनीले सभा स्मार्ट क्याफे ब्याक्वेंट धुम्रबाराही, काठमाडौंमा बिहान ११ बजे गर्ने जनाएको छ । कम्पनीको पुस ८ गते बसेको सञ्चालक समितिको बैठकले साधारण सभा गर्ने निर्णय गरेको हो ।

सभाले आर्थिक वर्ष २०७७/०७८ को सञ्चालक समितिको वार्षिक प्रतिवेदन छलफल गरी पारित गर्ने, लेखापरीक्षण प्रतिवेदन सहित आर्थिक वर्ष २०७७/०७८ आषाढ मसान्तको वासलात, मिति २०७१/०४/०१ गते देखि २०७८/०३/३१ गते सम्मको नाफा नोक्सान हिसाव, नगद प्रवाह विवरण सहित सम्बन्धित अनुसूचीहरु तथा एनएफआरएस बमोजिमको वित्तीय विवरण छलफल गरी पारित गर्नेछ ।

त्यस्तै, सभाले कम्पनी ऐन, २०६३ को दफा १११३० बमोजिम आर्थिक वर्ष २०७८/०७९ को लागि बाह्य लेखापरीक्षकको नियुक्ती तथा निजको पारिश्रमिक निर्धारण गर्ने । वर्तमान लेखापरीक्षक कानूनल पुनः नियुक्त हुन योग्य रहेको लगायतका विभिन्न प्रस्ताव पारित गर्नेछ ।

कम्पनीले साधारण सभा प्रयोजनको लागि शेयरधनी दर्ता पुस्तिका पुस १९ गते बन्द गर्ने जानकारी गराएको छ । यस आधारमा पुस १८ गतेसम्म कायम शेयरधनीले साधारण सभामा भाग लिन पाउनेछन् ।

प्रतिक्रिया दिनुहोस्

सम्बन्धित समाचार