काठमाडौं । बुद्धभूमि नेपाल हाइड्रोपावर कम्पनीको आईपीओ शेयरधनीको हितग्राही खातामा जम्मा भएको छ । शेयरधनीको हितग्राही खातामा बीएनएचसी संकेतबाट आईपीओ जम्मा भएको हो ।
कम्पनीले असोज ११ गतेदेखि १४ गतेसम्म ८ लाख कित्ता आईपीओ निष्काशन गरेको थियो । कम्पनीले ४० हजार कित्ता कर्मचारी, १६ हजार कित्ता सामुहिक लगानी कोषको लागि र बाँकी रहेको ७ लाख ४४ हजार कित्ता सर्वसाधारणको लागि निष्काशन गरेको थियो ।
कम्पनीको आईपीओ नेपाल स्टक एक्सचेञ्जमा सूचीकरण प्रक्रियामा रहेको छ । पहिलो कारोबारका लागि कम्पनीले प्रतिकित्ता ८४ रुपैयाँदेखि २५२ रुपैयाँ १५ पैसासम्म ओपनिङ रेञ्ज पाउने देखिएको छ । नेप्सेले कम्पनीको पहिलो कारोबारको लागि नेटवर्थको तीन गुणासम्म ओपन रेञ्ज तोक्न सक्छ ।
