ईसेवामा सबै जीवन बीमा कम्पनी समेटिए, आधाभन्दा बढी निर्जीवन बीमक पनि

काठमाण्डौं । डिजिटल भुक्तानी सेवा प्रदायकहरुमध्ये अग्रणी मानिएको निजी क्षेत्रको ईसेवा वालेटमा जीवन र निर्जीवन बीमकसहित ३३ वटा बीमा कम्पनी आवद्ध भएका छन् । ईसेवाका अनुसार संचालनमा रहेका सबै १९ वटा जीवन बीमा कम्पनी र कूल २० वटा निर्जीवन बीमकमध्ये १४ वटा निर्जीवन बीमकको बीमाशुल्क भुक्तानी गर्ने सुविधा समेत ईसेवामा उपलब्ध छ ।

नविकरण बीमाशुल्क ईसेवामार्फत् २४ सै घण्टा जहाँसुकैबाट सहजै भुक्तानी गर्न संभव छ । केही जीवन बीमकको प्रथम बीमाशुल्क र बीमालेख कर्जाको साँवा तथा ब्याज समेत ईसवामार्फत् भुक्तानी गर्न सकिने सुविधा उपलब्ध छ । जीवन बीमालेख र निर्जीवन बीमालेखको नविकरण बीमाशुल्क संकलनको लागी ईसेवा प्रभावकारी माध्यम बनेको छ । अझ जीवन बीमा कम्पनीहरुले नयाँ बीमालेखको बिक्रीभन्दा नविकरण बीमाशुल्कबाट मनग्ये आम्दानी हुने भएको हुँदा नविकरण बीमाशुल्कको संकलनमा डिजिटल माध्यमलाई भरपुर प्रयोग गर्ने प्रयास गरिरहेका छन् ।

अहिले बैंक तथा वित्तीय संस्थाहरुमा लगानी योग्य रकमको अभावमा तरलता अभाव चुलिएको बेला प्रथम बीमाशुल्क आर्जनमा नकारात्मक प्रभाव परेको छ । त्यसैले विशेषगरी पुराना जीवन बीमकहरु बीमितलाई सक्दो सुविधा दिएर नविकरण बीमाशुल्क आर्जनलाई डिजिटल माध्यममार्फत् संकलन गर्न प्रयत्नरत छन् ।

प्रतिक्रिया दिनुहोस्

सम्बन्धित समाचार