स्ट्याण्डर्ड चार्टर्ड बैंकको १३.०६% लाभांश सुरक्षित गर्ने आज अन्तिम दिन

काठमाडौं । स्ट्याण्डर्ड चार्टर्ड बैंक नेपाल लिमिटेडको लाभांश सुरक्षित गर्ने आज अन्तिम दिन रहेको छ । कम्पनीले साधारण सभा प्रयोजनार्थका लागि आगामी मंसिर १० गते बुक क्लोज गर्ने भएको छ। यस आधारमा मंसिर ९ गतेसम्म कायम शेयरधनीले मात्र साधारण सभामा भाग लिन र लाभांश प्राप्त गर्न सक्नेछन् ।

बैंकले मंसिर २८ गते ३५औं वार्षिक साधारण सभा गर्ने भएको छ । सभा काठमाडौंको नयाँ बानेश्वरस्थित केन्द्रीय कार्यालयमा विहान १० बजेदेखि शुरु हुने बैंकले जनाएको छ । कोभिड १९ महामारीको विशेष परिस्थितिलाई ध्यानमा राखी कम्पनीले भिडियो कन्फ्रेन्सको माध्यमबाट सभा आयोजना छ ।

सभाले गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश प्रस्ताव पारित गर्न गर्नेछ । कम्पनीले हाल कायम चुक्ता पूँजीको १० प्रतिशतका दरले बोनश शेयर तथा कर प्रयोजनका लागि ३ दशमलव शून्य ६ प्रतिशत नगद लाभांश गरी कुल १३ दशमलव शून्य ६ प्रतिशत लाभांश वितरण गर्ने घोषणा गरेको थियो। सोही लाभांश सभाले पारित गर्नेछ ।

साथै सभाले नाफा, नोक्सान, हिसाव नगद तथा बैंकको प्रबन्धपत्रमा संशोधन स्वीकृत गर्ने, लेखापरीक्षक नियुक्त गर्ने लगायतका प्रस्तावहरु पनि पारित गर्नेछ।

 

प्रतिक्रिया दिनुहोस्

सम्बन्धित समाचार