काठमाडौं । चालु आर्थिक वर्षको पहिलो तीन महिनामा जीवन बीमा कम्पनीहरुले ३८ अर्ब १८ करोड रुपैयाँ बीमा शुल्क आर्जन गरेका छन् । गत आर्थिक वर्षको यहि अवधिमा जीवन बीमा कम्पनीहरुले ३२ अर्ब २८ करोड रुपैयाँ बीमा शुल्क आर्जन गरेका थिए । गत वर्षको यहि अवधिको तुलनामा बीमा कम्पनीहरुले १८.२८ प्रतिशतले बजार विस्तार गर्न सफल भएका छन् ।
यस अवधिमा सबैभन्दा धेरै नेपाल लाइफले मात्रै ९ अर्ब ९० करोड रुपैयाँ आर्जन गरेको छ । असोज एम महिनामा मात्रै भने २ अर्ब २८ करोड रुपैयाँ आर्जन गरेको छ । त्यस्तै दोस्रो धेरै बीमा शुल्क आर्जन गरेमा लाइफ इन्स्योरेन्स कर्पोरेसन रहेको छ । कम्पनीले तीन महिनाको अवधिमा ५ अर्ब २५ करोड रुपैयाँ संकलन गरेको हो । त्यस्तै असोज एक महिनामा मात्रै हेर्ने हो भने एक अर्ब ८८ करोड रुपैयाँ छ । तेस्रो स्थानमा रहेको नेशनलले ३ अर्ब ४५ करोड रुपैयाँ आर्जन गरेको छ । चौथो स्थानमा रहेको युनियन लाइफले पहिलो त्रैमाशिक अवधिमा एक अर्ब ८९ करोड रुपैयाँ बीमा शुल्क आर्जन गरेको छ ।
