काठमाण्डौं । पूनर्बीमा कम्पनीले जोखिमांकन(अण्डरराइटिङ) मा कडाई गरेसँगै म्यादी बीमाशुल्क १५ देखि ४० प्रतिशतसम्म वृद्धि हुने भएको छ । पछिल्लो १८ महिनामै एलआइसीले बाहेक निजी क्षेत्रको अधिकांश अन्य बीमा कम्पनीले कोरोना लगायतको म्यादी बीमाको बीमाशुल्क १७ देखि २० प्रतिशतसम्म वृद्धि गरिसकेका छन् ।
भारतीय संचार माध्यमका अनुसार गत मार्च महिनामै जनरल इन्स्योरेन्स कर्पोरेशन(जिआइसी) ले पूनर्बीमा शुल्क वृद्धि गरेको थियो । बीमा कम्पनीहरुले यो शुल्कवृद्धिको भार तत्कालै बीमितहरुमा नथोपरे पनि अब चाँडै नै म्यादी बीमाशुल्क महँगो हुने निश्चित छ ।
महामारीको पहिलो लहरको तुलनामा दोश्रो लहरमा कोरोना बीमा दाबी दुई तीन गुणाले वृद्धि भएपछि पूनर्बीमा कम्पनीहरुमाथि दाबी भुक्तानीको दबाब बढेको छ । त्यसैले नोक्सानी रोक्नको लागी पूनर्बीमा शुल्क दर पनि वृद्धि गरेका छन् । उमेर, बीमित र व्यक्तिको जीवनशैलीको आधारमा बीमाशुल्क वृद्धि गर्ने तयारी छ ।
अन्तर्राष्ट्रिय पूनर्बीमक म्युनिख रिले ५० प्रतिशतसम्म पूनर्बीमा शुल्क महँगो हुनसक्ने पूर्व जानकारी दिएको भारतीय संचारमाध्यम टाइम्स अफ इन्डियाले उल्लेख गरेको छ
