काठमाडौं । दोस्रो बजारमा सूचिकृत कम्पनीहरु मध्ये अहिलेसम्म ४० वटाले मात्रै लाभांश घोषणा गरेका छन् । गएका वर्षमा कतिपय कम्पनीहरुले दशै अगाडी नै लाभांश घोषणा सँगै साधारणसभा नै सम्पन्न गर्थे । दशै अगाडि साधारणसभा सम्पन्न हुँदा शेयरधनीहरुले नगद लाभांशलाई दशै खर्चका लागि उपयोग गर्न पाउथे । तर यस पटक भने त्यस्तै अवस्था छैन । अहिलेसम्म ४० वटाले लाभांश घोषणा गरेका छन् । अधिकाम्सले दशै पछाडी मात्रै साधारणसभा गर्ने योजना बनाएका छन् ।
केहि जलविद्युत कम्पनीले दोस्रो बजारमा भाउ बढाउन हतार हतार बोनश शेयर र हकप्रद शेयरको प्रस्तावलाई पारित गरे पनि नगद लाभांश वितरण गर्ने कम्पनीहरुको साधारणसभा आउन अझै केहि समय बाँकी छ । अहिले लाभांश घोषणा गरेकाले भने तिहारमा खर्च जोहो गराउने देखिन्छ । सबैभन्दा धेरै लाभांश घोषणा गरेको युनिलिभरले कार्तिक ११ गते साधारणसभा डाकेको छ ।
त्यस्तै २९ प्रतिशत नगद लाभांश घोषणा गरेको शिवम सिमेन्टले पनि कार्तिक १६ गते साधारणसभा गर्ने भएको छ । लाभांश घोषणा गर्ने मध्ये अधिकाम्सको प्राथमिकतामा बोनस शेयर रहेको छ । शिवम, युनिलिभरले नगद लाभांश घोषणा गरे पनि बाँकी कम्पनीहरुले बोनस शेयर दिएका छन् । त्यस्तै म्युचुअल फण्डले साउन भदौ महिनामै नगद लाभांश वितरण गरिसकेका छन् ।
कुन कम्पनीको लाभांश कति
