काठमाडौं । कुमारी बैंकले गत आर्थिक वर्ष २०७७/७८ को मुनाफाबाट ८.६७ प्रतिशत लाभांश घोषणा गरेको छ । असोज ११ गते बसेको सञ्चालक समितिको बैठकले चुक्ता पूँजी १३ अर्ब ८७ करोड रुपैयाँको ६ प्रतिशत बोनश शेयर र बोनश शेयरमा लाग्ने कर प्रयोजन सहित २.६७ प्रतिशत नगद लाभांस दिने निर्णय गरेको छ ।
बैंकले आर्थिक वर्ष २०७७/७८ को वित्तीय विवरण स्वीकृतको लागि नेपाल राष्ट्रमा पेश गर्ने र राष्ट्र बैंकबाट स्वीकृत भए पछि आगामी साधारणसभामा पेश गर्ने गरि उक्त लाभांश घोषणा गरेको हो । बैंकले अघिल्लो आर्थिक वर्ष २०७६/७७ को तुलनामा लाभांश दर घटाएको छ । अघिल्लो आर्थिक वर्षमा बैंकले १४ प्रतिशत लाभांश दिएको थियो ।
बैंकले यस पटक वितरण योग्य मुनाफाबाट मात्रै लाभांश घोषणा गरेको हो । बैंकको चुक्ता पूँजी १३ अर्ब ८७ करोड रुपैयाँ रहेको छ । प्रस्तावित बोनश शेयर ८३ करोड २७ लाख रुपैयाँ वितरण पछि चुक्ता पूँजी १४ अर्ब ७१ करोड रुपैया पुग्नेछ । शेयरधनीहरुले ३७ करोड ६ लाख रुपैयाँ नगद पनि प्राप्त गर्नेछन् ।
यस्तो छ विगत एक दशकको लाभांश वितरण
