काठमाडौं । एशियन लाइफ इन्स्योरेन्स कम्पनीले व्यतित बीमालेख नविकरण गर्दा ५० प्रतिशत ब्याज छुट दिने भएको छ । कम्पनीले बीमितहरुको मागलाई ध्यानमा राखी कम्पनीबाट जारी भएका र विभिन्न कारणले बीमाशुल्क तिर्न बाँकी भर्य म्याद नाघेका व्यतित बीमालेखहरुमा छुट दिने जनाएको छ ।
कम्पनीबाट जारी गरिएका बीमालेख अन्तर्गत २०७८ भदौ मसान्तसम्म बीमाशुल्क भुक्तानी गर्नु गर्ने मितिले ६ महिना नाघेका (पुर्ण व्यतित भएका) बीमालेखहरु २०७८ असोज १ गतेदेखि कार्तिक १५ गतेसम्म आवश्यक प्रकृया पूरा गरी पुनर्जागरण गर्दा विलम्ब शुल्क (ब्याज) मा ५० प्रतिशत छुट गर्ने जनाएको छ ।
दुई वर्षभन्दा बढी समय व्यतित भएका बीमालेखहरुको हकमा यो सुविधा लागु हुने छैन । एक पटक ब्याज छुट गरिसकेको बीमालेखमा बीमा अवधि भर पुनः ब्याज छुट प्रदान गरिने छैन् । आगामी असोज १ गते पुर्व कुनै व्यतित बीमालेख अन्तर्गत ब्याज छुट प्रदान गरिएको भएमा सोलाई गणना गरिने छैन् ।
जसका लागि कम्पनीले कम्पनीको कर्पोरेट तथा प्रदेशस्थित शाखा कार्यालय, तथा उपशाखा कार्यालयहरुबाट र अभिकर्तासँग सम्पर्क गर्न आग्रह गरेको छ ।
