काठमाडौं । नेपाल सरकार अर्थमन्त्रालय महालेखा नियन्त्रकको कार्यालयले आर्थिक वर्ष २०७८/७९ को बजेट निकासा फुकुवा गरेको छ । अर्थमन्त्री जनार्दन शर्माले भदौ २८ गते पेश गरेको प्रतिस्थापन विधेयकका कारण नेपाल सरकारको पेन्सन र तलब भत्ता बाहेक सम्पुर्ण सरकारी कारोबार भुक्तानी रोक्का गरिएको थियो ।
अर्थ मन्त्रालको भदौ २८ गतेको पत्रानुसार प्रतिस्थापन विधेयक तयार गर्ने सन्दर्भमा मन्त्रालयगत बजेट सूचना प्रणलीमा क्रियाकलापहरु प्रविष्टी गर्ने प्रयोजनका लागि मन्त्रालयको भदौ २४ गतेको पत्र र महालेखा नियन्त्रकको भदौ २४ गतेको पत्रबाट नेपाल सरकारको पेन्सन र तलब भत्ता बाहेक अन्य सम्पूर्ण सरकारी कारोबारको भुक्तानी रोक्का गरिएको थियो ।
अर्थमन्त्री शर्माले प्रतिनिधिसभामा प्रतिस्थापन विधेयकको रुपमा विनियोजन विधेयक २०७८ पेश गरिसकेको हुँदा प्रचलित कानुन अनुसार गर्ने गरी सबै प्रकारका भुक्तानी फुकुवा गरिएको भन्दै महालेखा नियन्त्रकको कार्यालयले जानकारी दिएको छ ।
