काठमाडौं । अधिकाम्स हाइड्रोपावर कम्पनीमा इन्साइडर ट्रेडिङ भएको भन्दै एक लगानीकर्ताले नेपाल धितोपत्र बोर्डमा उजुरी हालेका छन् । ध्रव प्रसाद भट्टले हकप्रद शेयर घोषणा गरेका अरुण भ्याली हाइड्रोपावर, रिडी हाइड्रोपावर, रैराङ हाइड्रोपावर, अपर मोदी हाइड्रोपावरमा लामो समयदेखि इन्साइडर ट्रेडिङ भइरहेको भन्दै छानविनको माग गर्दै निवेदन दिएका छन् ।
उनले अरुण भ्याली हाइड्रोपावरले ५० प्रतिशत हकप्रद घोषणाको सूचना चुहावट गर्दै मूल्य बढाइरहेको आरोप लगाएका छन् । त्यस्तै रिडीले रैराङ हाइड्रोपावरमा रहेको लाखौ कित्ता होल्डीङ बिक्री गरेर प्रतिशेयर १०० रुपैयाँ आउने भन्दै सूचना चुहाइएको छ । रैराङ हाइड्रोपावरले पनि रिडी सँग मर्जर गर्ने हल्ला चलाएर मूल्य बढाइदै आएको छ । उनले अपर मोदी हाइड्रोपावरले पनि ५० प्रतिशतको हकप्रद शेयर घोषणा गर्नु अगाडि सूचना चुहाएर मूल्य बढाइएको आरोप लगाएका छन् । सूचना चुहाएर कर्नरिङ भइरहेको भन्दै भट्टले उचित छानविन गर्न अनुरोध गरेका छन् ।
