काठमाडौं । नेपाल राष्ट्र बैंकले आन्तरिक रुपमा मौद्रिक नीतिको तयारीलाई अन्तिम चरणमा पुर्याएको छ । सरकार परिवर्तन सँगै बजेटमा हुन सक्ने फेरबदलको पर्खाइमा रहेको राष्ट्र बैंकले मौद्रिक नीतिलाई पनि थाति राखेको थियो ।
सरकारले बजेटलाई संसोधन गर्ने कार्यमा ढिलाइ गरे सँगै राष्ट्र बैंकले सकभर यहि शुक्रवार नभ्याए आइतबार सार्वजनिक गर्ने तयारी गरेको प्रवक्ता देव कुमार ढकालले जानकारी दिए । अर्थसचिवमा मधु कुमार मरासीनी आए सँगै राष्ट्र बैंकले उनिसँगको समन्वयमा मौद्रिक नीतिको तयारी गरिरहेको छ ।
प्रायः साउन पहिलो सातामा सार्वजनिक हुने गरेको मौद्रिक नीति यस वर्ष सरकार परिवर्तनको कारणले ढिलाइ भएको हो । सार्वजनिक कार्यक्रमहरुमा अर्थमन्त्री जनार्दशन शर्माले आफ्नो कारणले मौद्रिक नीति नरोकिएको भन्दै अभिव्यक्ति दिदै आएका छन् ।
तर मौद्रिक नीतिले बजेटले लिएका लक्ष्य पुरा गर्ने दिशामा नीति अख्तियार गर्नु पर्ने हुन्छ । सोहि कारणले पनि मौद्रिक नीतिलाई राष्ट्र बैंकले थाति राखेको हो ।
