काठमाडौं । यूनियन लाइफ इन्स्योरेन्स कम्पनी दुलेगौंडा शाखाले मृत्यु दाबी भुक्तानी गरेको छ । कम्पनीले शनिवार एक कार्यक्रमको गरी मृतकको परिवारलाइ ५ लाख १८ हजार रुपैया दाबी भुक्तानी गरेको हो ।
कम्पनीका दुलेगौंडा शाखा प्रमुख ओमकार नागिला, एजेन्सी म्याजेजर अनिल थापा, क्षेत्र बहादुर थापा,सोम प्रसाद श्रेष्ठ, इन्द्र पौडेल लगायतको टिमले स्वर्गीय बिमित गम बहादुर थापाको हकवाला शुक्लागण्डकी ४ तनहुँ निवासी निजको श्रीमती देउ माया थापा मगरलाई लाई सो रकमको चेक हस्तान्तरण गरेका हुन ।
२०७७ साल असोजमा मृतक गम बहादुर थापा मगरले ५ लाख बराबरको जीवन बीमा गरेका थिए । उनले ५ लाखको बीमा गर्दा प्रथम बीमा शुल्क बापत मात्र ३२ हजार रुपैया मात्र कम्पनीमा जम्मा गरेका थिए । ५ लाखको बीमा गरेका निज मल्लको गत असार महिनामा निजको असमाहिक निधन भएको थियो ।
बीमितको हकवाला श्रीमती देउ माया थापा मगरले जीवन बीमाको महत्व अत्यन्तै रहेको आफुलाइ अनुभव भएको सुनाउदै बीमाले जिबित भए आफैलाइ र मृत्यु पश्चात परिवारलाई आर्थिक रुपमा सबल बनाउने हुँदा दाबी भुक्तानी बापत पाएको रकमले आफ्ना छोरा छोरीको बीमा गरिदिने बताइन् ।
